مبدعو مصر
أبويا الضهر في الدنيا
أمشي في ضله وقت ما بخاف
وبطمن بزعقته في البيت
ابويا الدفا في سقعة الأيام
حضنه بيداوي الشقا بالشوق
وانا مهما كتبت يا ابويا مش هوفيك
شخابيط والعمر
زي حكاوي بتتحكي وتضيع
ملناش في بيرها غير خطاويها
بلل في ريقك مهما كنت وحيد….
تلقى لفعلك بصمة تروينا
صوتك وياااا زعقتك في البيت
هو الدفا من برد ليالينا
خوفك من ضلمة المسافات
حضنك كما المشتاق
مهما أنا بكتب
دايما بكون كداب…..
أبويا
أبويا الضهر في الدنيا
هو اللي بمشي في ضله لما بخاف
ابويا اللقا من بعد كل التوهه والوحدة
واحد
أول بداية ضحكتي كانت جوه حضنه
اتنين
تاني الحكايه كات برضو حضنه
تلاته
والله دايما بحضنه واشتاق في حضنه
أربعه خمسة
كمل لباقي العد
الدنيا مش قاضي والحكم فيه لله
أبويا بسم الله
عيد ميلاده النهاردة
