مبدعو مصر
أغبيا كنا عايشين فى الحياة
فاكرين كل اللى فيها أوليا
وإن الملايكه نزلت م السما
حطت على جناح الحياة
وأنا سعيد أوي منتشي
صحيت فى مرة على الحقيقة المؤلمة
وعنية م الصدمه مبحلقين
كل الحقايق مفجعه
والإثم من أصل الحياة
مسكونه أرضي بالبشاعة الموحشه
حتى الصحاب صبحت ذئاب
والناس وشوشها مزيفة
أشكال ماتعرف فى الوفا
ألوف قلوبها مولفه
على الأذيه بدون تمن
وأنا العبيط نزلت بحر المعمعه
فاكر هكون ليكم نبي
ادعو لدين الحب من جديد
“يأتين من كل فج عميق”
لجموع كتير م العاشقين
لكن ياحسرة على الظنون لماتخيب
يأجوج بتاكل كالجراد
كل اللى باقي من زمن وكان جميل
