مبدعو مصر
الشاعر علي عبد العزيز من ابناء مدينة المنصورة وهو من رواد شعر العامية في مصر ومن الشعراء الاماجد الذين انتصروا للمفردة والصورة والحبكة وقدم العديد من الدواوين الشعرية للمكتبة العربية وهو عضو اتحاد كتاب مصر وشاعر ناشط ادبيا .
مبدعو مصر تحتفي بهذا النص الجميل للشاعر الكبير وندعو قراء المجلة الاعزاء بالاستمتاع معنا بهذا النص الرائع .
يا شمس من نومك قومي
وبالدفا شقي غيومي
ابن المحله غزللي التوب
وانا منه فصلت هدومي
عنب الحبايب فيومي
سقيها سواقي بتناعي سنين
علي ناس في سوق الرجاله
م النجمه والايد
بالمسطرين ع السقاله
بتبني وتعالي في بيوت
وعيشتها علي قد الحاله
واخوات لهم ف السياله
كتافها بخير شياله
وكل مهنه وله اصول
خطافها ما مزعش الباله
ايام ما كان قطننا له عيد
عبو الشكاير ملح رشيد
وصفايح السردين نيلي
بأنها طاطي وغنيلي
النخل طرح تمر ودوم
من العريش لما السلوم
وفي بورسعيد كان اجمل يوم
عملت قلبي معديه
القنطره واسماعيليه
قالت العروسه ياعربسي
الحنه حنتنا سويسي
ونجيب عزالنا م دمياط
والرقص علي طبله سنباط
في البدرشين ضحك العياط
وقال تعال وانسنا في بركه السبع قويسنا
وفي طنطا هنقيد فوانسنا
البدوي هيجيب البشره
جاي الفرج من بعد الضيق
كل الكرم هنا في الزقازيق
فاقوس تنادي لابو كبير
ربك ييسر كل عسير
والحظ هيجاني بالدور
من كوم حماده بدمنهور
ولف بنا م النوبه
ولحد مطروح
ومهما تبعيد ولاه تروح
منصوره بلسم كل جروح
هي للي ساكنه جوه الروح
وشمسها تشق غيومي
الشاعر علي عبد العزيز
قد يهمك أيضا