مبدعو مصر
أمي
بفكر ايه يليق بيكي
بدور جوه روحي كتير
ياجنة ربي علي ارضه
بدعوه بسيطه من قلبك
لو كل الهموم فيا
تزوول والله واصبح غير
بفكر ايه يليق بيكي
وعارف انه ما يكفيش
نصيبي وحظي م الدنيا
تكوني النبض لعروقي
وشوقي لما اغيب عنك
كأني طفل في اللفه
ميزان الله يطبيلك
ولو ضددك متين كفه
بفكر ايه يليق بيكي
وانا عارف
اقل شئ بيرضيكي
بتدعيلي بحفظ الله
وكرمه في كل صلواتك
وتبكي لو بقول الأه
وتفديني بحياتك
بلاش الدمعه
علشاني
بموت لما بلمحها
واموت اكتر
لو حد مره يجرحها
ياريتني اعيش سنين اكتر
واكون قادر افرحها
بفكر ايه يليق بيكي
ياروح بتدب جوايا
يامسك معطر الايام
وضلي وشمسي وسمايا
بحب ندهتك ليا
واحبك ساكنه في عنيا
واحبك نبض جوه القلب
احسه ثانيه بالثانيه
بفكر ايه يليق بيكي
ياعندي اغلى م الدنيا
ياعندى اغلى م الدنيا
الشاعر /السيد الشريفي