مبدعو مصر
تسلمي مصـــر العفيــــة
تسلمي مصــر الفتيـــــة
عمرك ما خنتي القضيــة
من وعد بلفور للنهــاردة
لكـل الأعـــادي معانـــدة
بتصـدي ورجالــك قويـــة
ولما صوت الظلــم يعــــلا
يبقي صوتك إنتي أعــلا
من زمان وانتي الرضية
راح من ولادك كام شهيد
لجل متعود من جديــــد
الأراضــي فلسطينيـــــة
والنهاردة ترامب جــاي
لجل ما تموت القضيــــة
بالسفــارة الأمريكيـــــة
القدس بيت الله ومسري
للنبي ومعراجه صخــره
موجودة من قبل البريـة
والأقصى جـه في الأصـول
بجواره محـراب البتـــول
والكفيل كـــان زكريـــــا
وف الأصـــل كان مغــارة
لملكي صادق لربه عابـــد
ودي إشــارة ..
ياريت تراجعوا التاريخ
شويــــة
الصهاينـــة بيتحججـــوا
وكــلام غبــي بيــرددوا
لا ليهم هيكل
ولا نجمة سداسية
ومين هيقدر منهم يعاند
حتي لو كان قلبه جامـــد
قـــدرة الــرب القويـــــة
لو كانوا نسيوا بُخْت نَصَّـر
مصر مـش ممكـن تقصـــر
يوم ميعاد الحرب القويـة
لمـا يــدَّاري اليهـــــودي
وشجــر الغرقـد ينـــادي
تعالي يا مسلم ورايا رزيـة
ربنـــا قــال فـي الكتــــاب
فيـه عبــاد لفصل الخطاب
هيــردوا حــق الأغلبيـــة
والأغلبية دول مخلصـــين
عبـاد مشايــخ مسلمــين
معاهم قساوسة مسيحيـة
ونصرهـم من ربي وعــــد
وبكرة تعود أيامنا سعـــــد
والقدس تفضل عربيــــــة
تسلمي مصـــر العفيــــــة
تسلمي مصــر الفتيـــــــة
عمرك ما خنتي القضيــة