مبدعو مصر
C . V مختصر
***************
الشاعرة / نجوى سالم
من مواليد المحلة الكبرى / محافظة الغربية
حاصلة على ليسانس آداب و تربية / عربي
صدر لها اربعة دواوين بالفصحى هي :
” الجنيات السبع “
” فراشات بلون الذاكرة “
” في أسواق المدينةالإلكترونية “
” بعض مافد تبعثر “
وتحت الطبع ديوان بالعامية المصرية
صاحبة صالون ” فراشات الشعر “
حضرت العديد من المؤتمرات و المهرجانات داخل و خارج مصر
تناول اعمالها بالنقد و الدراسة اكثر من ناقد
نشرت في ااكثير من المحلاتوالجرائد والدوريات المصرية والعربية
1- ” تـعـرف انـتَ ؟ “
* * * * * * * *
مـش مـهـم ديـوان وشـاعــر
الأهـم . .
يحـس قـلـبـك إنه دافـي بالـمـشـاعـــــــر
تـعــرف انـتَ . .
يـعـني إيه الـنـبـض يـجـمـدْ ف العــروق ؟!
دُقــت طـعـم الـخـــــــــــــــــــــــــــــــــــوف
بـنـكـهـة حــزن تـنـحَــر ف الـحــلـوق ؟!
وانـتَ ســاكـنـك هَــمْ يـاكـلـك
زي جــرزان الـشــقــــوق ؟!
تـعــرف انـتَ . .
يـعـني إيه النـوم يـخــاصـمـك
لوحـيـطـان الدار تـقـاسـمـك بـردهـا
والصـمـت لحـدك ؟!
واللي يـسـأل عـن . . وعـمَّا
كـان له حـاجـه . .
وامّـا خـِلـصـتْ . . راح مـا سَـمَّـى !
وامّـا . . وامّـا
حـتى لـو صادفـك ف سِــكـَّـه
عِــيـنـٌه راح تـِنـْكـِـر مـلامـحـك !
وانـتَ . .
إنـت رغــمْ بـراح مـشــاعــرك
والـحـنان اللي يـسـاع الكـون بـحـاله
مـين ف ضـيـقـتـك حَــسْ حـيرتك ؟
ليه يـلـوم الليل عـليه
لو نهـاري ضـحـك له نـور ؟!
ليه يخـانـقـوا الشـمــش ، ويعـادوا الزهـور ؟!
ليه يانـخـلـي . .
وانت عـاشــــــــــق للحـيـاه
تعـلا وسـط سـمـاك لوحـدك ؟!
للي يرمـي عـليك ذنـوبه . . تهــدي طـرحـك ؟!
قـول يا قـلـب الـنـخـل : لا
للي ناره ف قـلبه قـايـده . . .
واللي عـيـنـه تـطـَـق
رايده تصـيـب وريـدك . . .
واللي غـاوي يـصـحـي جـرحـك . . .
واللي يـفـرح لو يـكـيـدك . . .
واللي يـتهـنـَّى بـتـوهـتـك
وســط مــوج مـجــهـول مـداه . . .
مـد إيـدك . . خـد نـصـيـبك م الحـيـاه
تـعــرف انـت . .
يـعــنـي إيه عــيـشــهـا ببـســاطـه
ويـَّا قـلـب حـقـيـقـي حَـبَّـك ؟ نجوى سـالـم
2 – ” صــــــباح الخـيــــــر ”
• * * * * * * * * * * * *
بقيلك إيه مهوش مجروح
ومين يمسح دموع عينك
طريقك ليل مالوش آخر
وصبرك جاب معاك آخر
وليل الغربه ف عيونك
مالوهش حدود
وقلبك شاخ ماهوش قادر
يعيش لحظه
كطفل بيحضن الفرحه
ولا يعافر
يطول الشمس بجناحه
تنادي بس ع المجاريح
وتفتح سكة التباريح
تعيد اللحن وتكرر
مشاهد طعنة المطعون بسكيـنـُه
ومين ظالم ومين مظلوم
ورافض حتى من جواك
تعيش لحظه بدون الآه
كأن الآه دوا جروحك
وعـِشقْ الحـُزن ناياتك
يعيد اللحن ويكرر
وتستعذب عذاب الروح
وتطعن تاني ف المجروح
يعيد الدمع ويكرر
ووحش الوحده بيهاجمك
وبحرالخوف حصاره عنيد
ولا حايشه طوفان الخلق
من حــولك
عشان حابب تكون وحدك
مفيش غيرك هيفتح للنسيم بابك
ولا غيرك يصد الريح
يلملم جرح أحبابك
ويرفع عن عيون الشمس حـُجـابك
ناولني إديك وراح أعديك
ماتفتح للحياه بابك . . .
مانيش قادره أفوت قلبك
ولا عاوز تريحني
وكل ما اداوي ف جروحك
بتجرحني
لإمته هدور ف دوامتك
وانا مش لاقيه بوابتك
إذا حابب تكون وحدك
أنا مقدرش اعيش وحدي
وهنزع من ضلوعي الشوق
واميل يمك كصفصافه
توشوش روحك الحيرانه وتقولك
صباح الخير على عيونك
على شمسي . . .
وعلى ضلك . . .
نجوى ســـالم
3- ” بـعـلــو الصــــوت ”
• * * * * * * * * *
ربيع الروح بيضحكلي ف ضيا عينك
وشمس الغايب الآتي
بترقصلي واغنيلك
عبير الشوووووق
لوردة حبك النادي بيندهني
وانا حادي . . . وانا بادي
بدون الخوف مايطفيني
ورا التايهين يوديني
ولاقيني . . .
لروحك روحي مندوهه
وبقفل سكة التوهه
وبفتح جنة العاشقين
شمال . . . ويمين
ورُحنا . . .
فوق جراح روُحنا
أدوس ع الشوك
فيطرح قلبك المرمر
تيجان ياسمين
دا حلم سنين . .
وفجأه أصحا . . .
ألاقي عيونك السارحه
ف ليل الغربه تقتلني
وكلي حنين
لاانا ف حضنك
لامفرقاك . . .
فايتني لمين ؟!
وبتسول خبر عنك
كما المجانينن
يجيني قلبك المسكون
بعشق التوهه والترحال
يغنيني . . .
ف حضن الليل
مع الموال
وعين على ليل بتوجعني
ومُرالوحده يقتلني
بألف سؤال
واصبر روحي واتقوَّى
ببكره الجاي
وانا . .
مااملكش غيرقلبي وإحساسي
وضاع اسمك
ف كراسي . . . وبين ناسي
ولا طيلاك . . .
ولا ناسـياك . . .
وشايفه روحي
بتطبطب على روحي
تـقـول
يمـكـن يكـون جـاني
وانا الجـاني
والاقـيني فهـواك وحـدي
أكـسّـر صمـتي جـوايا
وأصـرخ فـيك بعـلـو الصـوووووووووووووت
4- ” ساقـية عـمـرك ”
• * * * * * * * * *
وحـدك . . نايم
أو بتدخـن حـلم . . وقايـم
تاني تلف ف نفـس الدايره !
وحـدي . . أنا قاعـده
مع كباية الشاي البارده
ألبوم صورك . .
اللي بتحـضن دفا أحلامي
لما أشتاقلك
أو بتاخدني لكـلمـة
” لأ ” والقـلب حـزيـن !
. . . . . . .
ضاع وياك م العـمـر سنيـن
والأيام سـايقـه . . وبالدور
واللي عـشانهـم دقـت الغـربه
واحـد . . واحـد
لفـلـف حـلـمـه ف سـاقـية عـمــرك
وبأوجاعـك . . داوى جـراح السـكك البايره
غــصـب عـنك . . أو بإرادتك
إنت قـبلت تكـون ف الدايـره !
ولـسـه آهي دايـره
عمال تبكي . . وتـشكي . . وتحـكي !
حتى حـكايتـك . .
بقـيت ماسخـه ومالها نهايه !
وانا . . وحـدي
بردانه وحايـره
حـبك وحـده . . مايكـفـيش
ليه وياك بكـره مابيجـيش ؟!
بعدك يسـرق أحـلي سـنيني
والأشـواق دبلـت جـوايا
إما تعـود . . ترويلي حـنيني
أو يكـفاك . .
كـل ما صابني من أشواك
مع كـباية الشاي البارده نجـوى سـالم
5- ” وردة دبلت ”
كل ما تنوح السواقي
يبتسم عـمري اللي باقي
دقت ياما صنوف عذابك
لمّا مات فـيّا اشتياقي
كل خطـوه . . وفيها آهـه
كل شـق . . وله شـراقي
ياللي بتلوم ورده دبلت
اللي يتلام اللي سـاقي
. . . . . . . . .
قـلبه مـش داري بحـنيني
واما بعـتب . . بـيجـافـيني
يوم ما عـطـر العـشـق يـهـرب
والغـرام م القـسـوه يـتـعـب
فـكـروه . . أنا قـلت مـرّه
لو هـتـعـشـق ورده حُـرَّه
بالوداد دايماً راعـيهـا
م الليالي خـاف عـليهـا
ياللي بتـلـوم قـلـب باقـي
خـلِّي لومـك عاللي سـاقـي
جـاي بتـسـأل إيه الحـكـايه ؟!
وبإديك ياما طـال أسـايا
كان بيضنيني السُـهـاد
وانت بتزيد ف البعـاد
لمَّا هـجـرك أسـَّى دمعـي
انطـفـى في القـلب شـمـعي
اللي راح ويا الليالي
عـمرنا ولا كنت داري
لمّا أقول لك كان وفات
ابقى لـوم الذكـريات
كـل ما تنوح السـواقي
كـل ما تنوح السـواقي نجـوى سـالــم
6- ” عـنـدي فـكــره ”
• * * * * * * *
بـحبــك ياشــاعــر بتدفق مـشــاعـــر
وقلــبي ف مـوجـك مايقـدر يـعــوم
ولو كنـت شـاطـرة وناصـحـه وقـادره
على البر . . لكن في بـحــرك بكون
كـسـمكــه جـريـئـه تـحــب الحــقـيـقـــه
ولكن . . بـتـهــرب فـي وقـت اللـزوم
بحبـَك . . بحبـك . . واخاف إن أقولـهـا
تلـخـبــط كيـاني . . وتـبـعـد ما اطــولـهــا
بـحـبــَك وعـارفـه حـقـيـيـقـة مـشـاعـري
وبـهــرب وخـايـفـه واقـولــك : ظـنــــون !
ولو كان بـخـطـري . . أضُمـك لعمـري
واعـيــش اللـي بـاقي في ضـلك واكـون
كـنـجـمـايـه طـالَّـه . . في حُـضـن الأَهِـلَّه
كـشـمـس بـدفـاهـا بـتـفـــرش غـطــاهـــا
مــحـبــه وفــــرحـــه فـي كـل الـعــيــــون
وأقـولـك يـا شــاعــــر وكُـــلي مــشـــاعـــر
زمـانـك . . زمـانـي . . مـكـانــك نــســانـــي
فـي كـو و و و و و و ن . . وانـت كـون
ولكن يـابكره . . بـٌقـول : عندي فكره
مـدام مـــش بـإدنـا نكـسَّـــــر حُــدودنــا
نـحَــوَّط عـلـيــهــا ونـرســـــــم كـالــــون . .
يـــروح اللــي غــــاوي يـــفـــــــرَّق ونـــاوي
يــبـاعــــد مـابـيـنـنـــا بـــلاد الــظـــنــــون . .
وتــفضـــل يـا شـــاعـــر مابيننـا المشـاعــر
حـقـيـقــه قــويــه . . ونــحـلــــم لــبـكــــره
يانـور العـيـــــون نــــجـــــوى ســــــالــــــم
7 – بـتـضـحـك ليه ؟!
• * * * * *
أنا . .
والفقـر . . وولادي
وطـبـق الفـول
– بـتـضـحـك ليه ؟! –
وعـهـد الله . .
مايقـدر يـوم يـفـرقـنا حـسـود وعـزول
تـقـوم ثـورة . .
تـنـام ثـورة . .
دقـون وفـلول !
أنا ما عاوزش غـير قـوتي
وبـاب مقـفـول
وسـتر الله على عـيالي
ودعــوة أمي فى المـغــرب
وســاعــة الفـجــر وانا ســاعي
بـقـلـب جـســور
وسـت الدار . .
بترفع إيدها للمـولى
يـقـويـني ويـرزقـنـي بـرزق حـلال
يـفـوت جـرجـس . .
ياخـدنـي مـعـاه على عَـجَـلْـتُـه
مـنـيـن ما نـحُـط
نـبـدأ يـومـنـا بـســم الله
ووسـطـ الزحـمـه واللمَّـه
ياخـدنا الـوقـت يـسـرقـنا
تاكـلـنـاالـشـمــس تـحـرقـنا
ولا حـاسـيـن !
بـنـجـري ف دايـرة المــوال
ولـو تـلـسـعـنـا نـتـخـبـى فى ضِـلايه
ويمـلا الوش ضـحـكـايه
بـبـركـة ربـنا المـعـبـود . . يـهـون يـومـنـا
نـبـوس الإيـد على النـعـمه
ونـحـلـف تـاني . . والنـعـمـه
ما عـاوزيـنشي غـير اللقـمه
وسـتر الله . .
وقـرش حـلال . .
وبـاب مـقـفـول . . نـجـوى سـالـم
8 – ” ما هـيش لعـبه ”
• * * * * * * * *
ف الصوره . . معـصـوره
بحجـل ونا . . الأولى
مين اللى عـقـد الحـبل ؟!
مشنوقه أحلامنا ، مكـتوفه أيادينا
سكن الخـرس فـينا ، صادوا الكلام بالنبل
قصه . . ورا حكايه
ولاعـبني غـمايه ، وشغـلـني عن لعـبه
سـرق
تسجـني في الأجـير والأجـر !
والأرض مـش لينا ، والنيل صـرخ فـينا
مر . . ودمـوع . . مع قهـر
إزاي يابوابي عـذابي ،
فـين قـلمي وكتاتبي ؟
قوموا يا أحبابي ، وقولنا سـورة العـصـر
ظهـر الفـسـاد في الأرض ،
وباعـوها. . طـول مع عـرض
ياما دُوخْـنا يا لمونه
على إيه يلومونا ؟!
ما خلاص ما بدأ العـرض . . . .
ودي . . إيدي ، ودي . . إيدك
عـيدي . . دا يوم عـيدك ،
ووجـودنا . . أصـبح فـرض
لو نمتلك قـوتنا . . نرفـع له نبوتنا
نحمي الشـرف والعـرض
ونشيله هـيلا . . بيلا
هـوه وأنيابه ، وديوله . . وكلابه
ياما ضعـنا . . ف ركابه ، واحنا . . ولاد الأرض
قـول . . للي طاطى الراس ، وعـمل له خـده مـداس
جـايلك . . دنا المـصـري
لو ينتني عودي . . م القهـر والقـلة
الشـدة تندهـني . .
أنهـضْ أشـق الليل ، ولا شيء هـيمنعـني
الصرخه ف التحـرير ندهـت . . تقـول تـغـيير
ولا حـد كان فاكـر من عـسـكـرالسلطان
إن الطـوفان يوم جي
وَحِّـدْ . . وقـول . . ياحي
وحـد بنا الأمه ، واكـشـف لنا الغـمه
بكـره الجـديد له ضي
هـنجيبه بإدينا . .خـيرها أكيد لينا
مـش للخـسيس تاني
ياشـعـبنا بينا . .
يامين يعـدينا . . نبدأ خـطاوينا
والأوله : ” لأه ”
للفقـر والقلة
والتانيه : ” رافضين ”
لعـميل نكون خاضعـين
والتالته : ” دول مين ” ؟!
من بطنها عاوزين
ولد . . رضع نيلها ، واتربى ف حقولها
غـنى مع طـيورها
حاسـس بموالها ، وبدمع كل حزين
يجـلب لنا خيرها . . بترولها وقـنالها ،
ويشغـل العاطلين ،
ويخضر الصحرا بإدين شباب حره
ناويين يسـدوا الدين
يقفـوا على بابها ، ويسطـَّروا كـتابها
مش كله ” صنع الصين” !
قـوم يالله يالمصري ، واكـتب تاريخ عـصري
واعـرف تجـيبه منين
اعـرف تجـيبه منين . . ” نجوى سالم ”
9 – ” لقطات سريعة ”
• * * * * * * * * * * * * * *
1- ” مَـشْبـَـــك ”
• * * * * * * * *
منشور على حبـل غسيـل
ف الدور العاشـر
بـيـسقـط عـرق الخوف جواه
لا قادره عنيه تجيب أعلى
ولا طايله رجله أي طـريق
واهو . . . تاه
قام رافع فنلتـه البيضـا
فشـهـقـتْ صرخة روح سكنـاه
لمَّـا المَشْـبَـك فلفـص منـه
زرع بصـل ع الكـوم لقينـاه
اتفـرَّ فـتـت أحلامـه
لمَّـا اسـتـشـهـد ضِـلـُه
ولا حدش حـس ف يـوم بوجوده
يا ولداه . . . ! ! !
2 – ” حـلم العـويل ”
• * * * * * * * *
فـوق الورق
حـلم العـويل
عاش و اتسـرق
الفـرحة . . حـرف وكلمتين
والحـزن . . رايـح بيه لفين ؟
…والعـمـر ضاع بين السطـور
ياصاحب الوهم الجميل
ما أجهلك !
3 – ” روح عـفـية ”
* * * * * * * * * *
لملمي اللي اتبقى منك واغرسـيه
جـوه روحـك العـفية هـتلاقيه
بذرة الخـير اللي فيكي
بكـره تطـرح لك نهـار
واللي ياما جـار عليكـي
يـبكـي بدل الدمع نار
يحـلم انه يعـود إليكي
فـتـقولي له :
الحـلـم . . طـا ا ا ا ا ا ا ا ا ر
5 -” قـلــب أعـمـى ”
• * * * * * * *
من ورا القـنديل بـخـطــوه
راح يـرشـرش
جـاز هـز يـمـته
وقـام حادفـنـي
بــقـلـب والـع
مـن غـباوته وضـعـف حـيـلته
ابـتســـمـت . .
وقـلـت : جـايـلـك
أوهـبـك نبـض الـحـيـاة
طـفـت فـي قـلـوب الخـلايق
واصـطـفـيـتـك
وانت . . !
يـا ا ا ا ا ا ا ا ا ا ه
عـمـري ما تـصـورت لحـظـه
إن عـيـني زي قـلـبـك !
6– ” اتحـرر ”
* * * * * * * *
مش كل ماتزهق من دنياك تدبحني
بسـكسنة أوجـاعـك التلمه
سـن السـكينه بزمه
أو خـد أسـتيكه روحـي
وامسـح صورة ضـعفك من جواك
عـلشـان تتحـرر
فـك عـذابك ليا كل قـيودي
خـلالالالالالالالالالالالالالالالالاص
مـش راح تلقـى أثر لهواك جوايا
أو لربيع أيامك
لو هـتدوَّر
7 – ” ورقة شـجـــر ”
• * * * * * * * *
وعـشــان أنا بشبه خضار ورق الشـجــر
فـسـاعـات بيغـسـلني المـطــر
وكـتييييييييييربيحـدفني الهـوا يم الخـطـر
قـررت أمـد ف خـطـوتي
واغـرس جـذور لون فـكـرتي
ف قـلب المُـحـال
لجـل إن في يـوم
تعـلا وتـطـرح ألف دار
وأكـون ( أنا )
ولاريح تهـد ف قـوتي
ولاموج يـعـطـَّـل خـطـوتي
ولاحـزن يـوئـد فـرحـتي
وان ليلي طـال
أركـب خـيول الارتجـال
واكـتب ســطـور مليانه نـور
وارســم طـريـق ســكـــة أمـل
وأبـوس كـفـوف كـل القـلـوب العـرقـانـين
من صـهـد +يـوم مـليان أنين
وأضحـك أمل
أصل اللي راح دا ماكانش لينا
لأ . . واللي جاي
يمكـن يكون طعـم العـسـل
_________________________________
من ديواني الخامس المكتوب بالعامية المصرية والذي لم يطبع بعد
بعنوان ” بعلو الصوت ”
نجوى سالم / مصر