مبدعو مصر
ولسا الصورة فى الننى
وواخدة فـ حضنها قلبى
بتندهلى وانا المقسوم
ما بين بعدك وبين قربك
بعيد لكن
ف دم وريدى باستناك
تيجى تزورنى
وتضحك لى ياروح الروح
وانا المجروح
أمد كفوفى للرحمن وأدعيلك
وأدعيلى
تيجينى تنور الايام
وتاخد كفى ف كفوفك
تدفينى وانا البردان بجلبابك
يارب الرحمة والرحمات
يارب النعمة والغفران
يارب القدرة والحكمة
تدفينى بانفاسه
وتفضل ضحكتك ف البيت
تطبطب ع العليل يشفى
وساعة الضلمة تضحك لى
فتملى البيت تسابيحك
وهى بتذكر المولى
وساعة الحر ما يكشر
تكون تكعيبة على بابنا
وشجرة فل ريحانه تعبى الكون
وانا المفتون باراجيزك
وتعاويذك
وساعة الليل ما بيخبط على بابنا
تخدنا ف حضنك الدافى
وبين الشط ساعة الموج الاقى
ضحكتك مقداف
والقاك فوق رغيفنا الحاف
غموس من وجعك الحامى
تبصلى بعين وبعين
تصلى فى سرك الصلوات
وتدعيلى
فهل ف الليل دعيت ليا
وجبتلى على كفك
شالين من حبك الفياض