مبدعو مصر
الشاعرة مني المنير في قصيدة جديدة
طَرْح العداوه مرار
ساري ف عروق البدن
مافيش أصيل غدار
ومافيش عويل مؤتمن
الغل أصله نار
والعه في قلب مريض
ابن الأصول ستَّار
لو راح يفوت في حديد
طرح العداوه سم
جاري ما بين الدم
يطرح ف جسمه الهم
و يعيش حياته عليل
من غير ما اقول تعليل
الخير لطبعه يميل
لو فات عليه ميت قطر
من بين ايديه بيسيل
حب و نضافه و صبر
لو غطسوه في الحبر
من بينه هيشقشق
من جوا نوره يبان
يخرج بكل أمان
أبيض ف تكوينه
الضَيّ ف جبينه
و البسمه ماليه الوش
أصله مالوش ف الغش
ولا حتى ف الألوان
و ف دفتر الأزمان :
طَرْح العداوه مرار
ساري ف عروق البدن
ومافيش أصيل غدار
ومافيش عويل مؤتمن
قد يهمك أيضا
قد يهمك أيضا