مبدعو مصر
اللواء محسن عبد النبي فارس مصر الأصيل وقصيدة من الشاعر الكبير ابراهيم رضوان
يقول الشاعر الكبير ابراهيم رضوان عن السيد اللواء محسن عبد النبي مدير مكتب الرئيس عبد الفتاح السيسي الذي طلب من الحرس الجمهوري أن يغنوا له أغنيتي
الله معاك..و معاك قلوبنا
في ليلة تنصيبه
مادد لنا محسن..
عبد النبي الإنسان
باين لنا حسنه
فارد لنا حضنه..
بالبسمه..و الأحضان
و الشاي في كل مكان
و الفرح في الأحزان
مادد لنا بحنان..
إيده بكرسي مريح
و ان يوم تزوم الريح..
يقفل في شباكنا
و شبكنا يصبح سمك..
و ياقوت معاه فضه
و ياخدنا نتوضي..
في الساحه..يبقي إمام
و يفول لنا..
،،خدام..
للكل مهما يكون
عاشق جميع الناس..
و عنيا بتدمع..
لو أسمع القرٱن
أو اشوف يتيم قلقان
أو إبن مش لاقي..
حته ينام فيها
أو طفله بتداري..
صوتها عشان مبحوح،،
ٱه يا حبيب الروح
يا بحة الموال..
إذا كان علي بلدي
تصبح ورود بلدي..
علي قبر كل شهيد..
مدفون ببدلة ضوء
ملفوف براية نور
زارع لنا محسن..
عبد النبي عصفور..
علي سور بدون حراس
علي كل شئ موجود..
من هيئته ينباس
مادد لنا محسن..
عبد النبي المصابيح..
و الشعله.. و الفوانيس
رغم انشغاله في ليل..
موصول بكل نهار
قاعد معانا جليس..
و ونيس لروح عايزاه
الله عليه الله
الله عليه في ضياه
و البدله لو ميري
و النخل لسه عليه..
بالحب عصفوري
ٱه يا جناح مفرود..
علي مصر في الشده
الشوك صبح ورده..
في إيديك يا غصن زتون
دايس علي اللي يخون
و مسهر النجمات
و الحب كن فيكون
و اللي يخون..بره
و السر في الجره
و انت يا أغلي صديق..
من أرضنا الحره
ع الحلوه..و المره..
عايش في أحضانها
و ان حد بيخونها..
بتدوس عليه فورا
و تاخدها للأحسن
و تطمن المحتاج
لو زادت الأمواج
جوه المحيط جدا
يا صاحب القناديل
و الضي جوه الليل
و البصه ع اللي جاي
إشرب معانا الشاي
و اتهجي في الٱيه
تلقاها في السوره..
حلوه و مستوره
طاهره و منصوره
دي الشمعدان قايد..
محروس من المولي
في حضنها صلي..
معظم عباد الله
يا محسن اللي ناداه..
قلب اللي ضاع في الٱه
و الحزن و التوهه
الدنيا تواهه
بس انت أحلي دليل..
للروح إذا نساها..
أخلص رفيق ليها
يا بو النجوم قايده
لو فيه هموم زايده
بتقلب السكر..
في دم كل غريب
محسن يا أحلي حبيب
يا بو العبايه ياقوت
مديت إيديك بحنان
بغلاوة القرٱن
و زرعت فرع التوت
أصبح نخيل موجود..
دايما في كل مكان
إيه اللي خلي سكوت..
يصبح دعاء كروان
يا مهرجان الضوء
للصاحب القلقان
يا هلال علي المهره
يا نسمة السهره
لسه الحبيبه..عليك..
بتنادي من بره
و تنادي من جوه
نفس الندا هو
جوه عنيك قوه
و النوه موجوده
أرضك يا أرض الخير..
برجالها موعوده
و كفايه إن إيديك..
بتعلي في البنيان
طوبه علي طوبه
لا رطوبه تمنعها
و لا شئ يرجعها
دا لأنها لسه..
م الكل محبوبه
للكل مخطوبه
فاتحه في بوابه
من بعد بوابه
يا قاسيت في مرار
و تعبت في المشوار
و لا قلت إنك يوم..
أبدا غريب الدار
و لا قلت يوم توبه
