مبدعو مصر
حرف يتيم / شعر : ناصر محسب
……
منك وفيكي نظرتين سارحين
ماسحين شوارع الحي وحيطانه
ومعلقين قلبي كأنه طير
طول ما انتي غِيِر الكل
الدنيا لسه بخير
والدمعتين ف عِنيه بيبانو
ف عِنِيكِي قلبي صلى واتوضى
والنظره لسه معارضه أحزانه
انتي اللي فارضه ع الوجع ضحكه
وانتي اللي قلبي بيرضى
تمدي لخطوته السكه
وكأنه حرف يتيم ومتغمي
وانتي اللي سارحه ف دمي بدون تصاريح
ف طبيعي تبقى النظره منك روح
ناصر 1/2/2023
قد يهمك أيضا