مبدعو مصر
أصعب سؤال جواي مسألتهوش لسه
كام عمر عدا ؟!
التوهه وخداني
مرميه بين المحن
وقعه على سناني
والعين طريقها ضباب
نازف ألم وأهات
زهقت افضل كده
بين البشر منصاع
ساب الشراع مركبي
ورماني وسط الموج
كان نفسي اخد رست
ع الممشى
وأسند حيطان الزمن
على سلم الاحلام
واسدل ستار الهم
واقفل عنيا وانام
جوايا صوت الفرح
مش مسموع
وصوت انين العذاب
بين العباد ممنوع
عمري ماكنت بحس
إني ضعيف
ولا يوم قبلت أعيش
لحظة خداع أو زيف
ولامره كنت فى حيكم بتسول الإحساس
وبرضه لسه متشعلق
فى حلم قديم
بشتاق لقلب يضمني ويسيبني فى المنفى واشتاق لنفسي أوي
وبحس لحظة لقا
أن السراب أوفى
ياغربة العصافير
يامعششه فى روحي
وخداني ليه دنيتك
ومفتحة جروحي
هاقعد على دكتك
وهعد فى أوجاعي
وهسيب أنا سكتك لويالي ليه دراعي؟
ومحرمه عيني
من حقها المشروع
سيبيني أحلم دقيقة
ده الحلم مش ممنوع
خليني أعيش في الفضا
من غير حيطان ولا باب
وملونة دنيتي
وبغني مع ثومة
جددت حبك ليه؟
يمكن الاقي جواب ؟!
قد يهمك: