مبدعو مصر
دكتورة وفاء بغدادي قصيدة بالعامية المصرية
بالليل حسيتك مش جنبى
خفت وفضلت انده….انده
وﻷول مرة مترديش
ايه ده انت بجد مافيش
طب وقصايد عمرى اللى باقولها لعينك اقولها لمين؟
والكدب اﻻبيض سكر حلى حياتى ﻻجل يطمن قلبك
أما مرارته تبان ف عنيه
أدفن صدقه ف مين
واما اتحامى ف ضعفك
والضعف يخون ويسيبنى
أتحامى ف مين
ردى متسيبنيش
فكرك يعنى لما يجيبوا بنت تبات ويايا
ﻻجل ما اكمل بكرة واعيش ….ابقى باعيش
ابدا انا زيك برضه مافيش
وبخاف لما يجينى الليل واندهلك واحسك مش جنبى
وباخاف ليكون موتك ذنبى
وسنين الحزن متغفرليش
ردى
متسيبنيش
انت بجد مفيش؟
وفاء بغدادى
ديوان البنت اللى بتشوف المﻻيكة
