مبدعو مصر
فى الحلال جنة
شعر : أفنان محمود كامل
===============
لا بقينا متفاهمين …ولا حتى بنحاول
وكأننا جداول بتبان وتتقطع
مطلع قصيدتى فراق ..مين فينا مفارقش
مين فينا مؤمن بالحياة او عاش ومعاتبش
قالو العتاب كترة محبة
دمرنا ١٠٠ مرة حسينا بالقلة
قوانا فعلا ع الحياة وأمنا بقدرنا
كل ال عاتب وال حاول قاعد هناك واحده
نفسه اتقطع والموت خضع من روحه مش باقى
الا الخيال اما الحنين داكن
وكلامه مش ساكن طالع ومتذبذب بيدارى يمكن يوم
ودموعة بتعانده ولا حد يوم سانده
يلا امشي واكسر ناس
ياللى انت ماشي تهد ليك يوم وفيه تتداس
كل القلوب عانت
واهو لسة بنعاند علشان نعيش يومنا
ورجعنا اهو وتوبنا وعرفنا ان الخير
ف قلوبنا لكن شر
لو كان دا خير ليه ضر
ليه ماشي بقنابل دا الحب دا سنابل م الخير بيطرح ورد
ليه دبله الاحزان ..لو كان دا خير كان بقى او حتى يوم كان دام
انا بحكى ليه احزان والله دا الدنيا ابسط من الذرة
ليه يوم تنام زعلان من حد مش فاكرك
اعقل بقا وفكر واكفينا م التوهان
الحب شئ بهتان ماشي بيتنكر وف صورة مش صورته
بيدارى ع ال يهد ويهد ف اللى بانيه
والحب مش انسان علشان نيجى نعاتبه
يمكن دا كان له زمان وزمنا مش زمنه
يمكن دا ليه موطنه وبلدنا مش وطنه
الحب لو فعلا كان ليه ف يوم معنى
ف الحب للمولى ولا كان ف يوم للعبد
باب النجاه موجود ولا عمره يوم اتسد
اقفل ببانك سد
متقولش هبقا وحيد
دى الوحدة دايما حد
او سور نجاه لقلبك حافظ عليه م الهد
الحب ف زمنا اصله الفراق او بعد
ف نسيبه للمولى اخر الحلال جنه
ف نعيمه يتهنى كل ال صبرو سنين
ودعانا للمولى يرزقنا بالصالحين