مبدعو مصر
قالوا مات شعر زينب جمال : هذه القصيدة انشرها هنا لطالبة من طالباتي في المرحلة الاعدادية اليوم هي حاصلة علي بكالوريوس التجارة وتكتب الشعر العامي بطلاقة واسمها زينب جمال ابراهيم عبد الوهاب من قرية العقلية بمركز العدوة وقد منحناها عضوية جمعية مبدعي مصر وهي من كبريات الجمعيات الادبية بمصر .
كتبت الشاعرة هذه القصيدة واهدته لروح الرجل الذي اسعدنا جميعا بصوته الرائع في تلاوة وتجويد القرآن الكريم وهو الشيخ محمد العمده رحمه الله .
قالوا مات شعر زينب جمال
عن حاجات وحكايات عن حد كان عايش معانا وقالو مات
عن سنين وقعدة حلوه راح لفين جاي منين
عن حد ساب ذكري حلوة وسبنا ومشي من اسبوعين
عن صوت كان كروان بنسكت لما بنسمعه
مجاش في بالنا هيجي يوم ونودعه
عن حد غالي كان معانا كان معلم اب لينا
كان يدوب نشوف ماشي ينادي علينا
عن اول حد حفظني الفاتحه والاخلاص
عن جيل ورا جيل حفظه البقرة ويس
كام حد ختم ع ايديه كام واحد بكي في وداعه
فراقك مش سهل علينا كلنا هنموت ومش بأيدنا
في الجنه ي سيدي ومين ذيك
عشت قارئ لكتاب الله وحسن ختامك بكتاب الله
واثقين انك في الجنه اكيد
وانت معانا وما روحتش بعيد
قد يهمك أيضا :