مبدعو مصر
قصيدة بالعامية للشاعر ماهر عبد الجواد
أصعب شيء
لما تعيش وحيد مع أهل
لما العلم يموت بالجهل
أصعب شيء
لما ربيعك يبقى خريف
لما الصدق يتحول زيف
أصعب شيء
لما يخونك أقرب ناس
لما يموت بينا احساس
أصعب شيء
لما سندك مال
لما الهم يبقى جبال
لما يتحكم فيك المال
أصعب شيء
لما الابن يخرج من طوعك
لما يكسر فيك كل ضلوعك
أصعب شيء
لما رجولة تكولها الغولة
لما حياتنا تبقى صابونة
أصعب شيء
لما حياتك متبقاش ع الكيف
لما تتعشم في سحابة صيف
أصعب شيء
لما تعيش العمر غريق
لما يخونك حد رفيق
أصعب شيء
لما سجين أصله برئ
لما حياة تبقى حريق
أصعب شيء
لما الحيرة تتمكن منك
لما تشيب من قبل سنك
أصعب شيء
لما تغيب ولا يسألوا عنك
لما وقت الجد يهربوا منك
أصعب شيء
لما الكلمة تفقد معنى
لما الهلس يصبح مغنى
أصعب شيء
لما الكلمة تضيع ف الزحمة
لما ضعيف م يلاقي الرحمة
أصعب شيء
لما الكلمة تبقى رصاص
لما يضيع حق بين الناس
