مبدعو مصر
مني المنير في قصيدة من ديوان هلاوس
وتتلون ما تتلون
مراكب قش بتعوم
تجيك الموجه تستسلم
مافيش مره عليت ع الموج
و ماشي برجلتينك عوج
و تلعن كل يوم حظك
و من بختك
يعدي الضي قدامك
فما تصدقش
و ما تكلبشش في اتوابه
تسيبه يعدي بعتاده
و تدخل دايرتك تجري
يا فار اخترت من بدري
يكون قطرك ماهوش مجري
يكون اعرج
ما بين رجليهم اتدحرج
تكون مفعول ما هوش فاعل
تكون مردومه بالساهل
احلامك
كفايه عليك
تلملم في بواقي الاكل
تشم بواقي انفاسهم
تصدق دا انتا اوحشهم
تصدق مش خساره فيك
تصدق انتا أوحشهم
شعر : مني المنير
من ديواني : ( هلاوس )
قد يهمك أيضا