موسوعة ادباء مصر.. الشاعر/ فتحي البريشي

اسم الشهرة :  فتحي البريشي .

شاعر عامية و كاتب مسرحي

عضو اتحاد كتاب مصر

الاسم الكامل :  فتحي عبد المعبود عيد البريشي .

الرقم القومي : 2 60 10 05 1202752

المجال :  تأليف مسرحي .

تاريخ الميلاد :  1960 / 10 / 5

المؤهل :  ليسانس آداب / لغة عربية

الوظيفة الحالية :  شاعر و كاتب مسرحي

   الإنتاج الأدبي :

(1) الحريقة ……………. مسرحية شعرية .

(2) زمار الحي …………. مسرحية شعرية .

(3) دهبية ………………. مسرحية .

(4) حروف و نقط دم … ديوا شعر .

(5) غنا الشوارع ……….. ديوان شعر

(6) حروف المد ……….. ديوان شعر

(7) الكلمة و الكلاب …… ديوان شعر

….. و أعمال أخرى …..

الجوائز و شهادات التقدير :

— جوائز كثيرة من هيئة قصور الثقافة ، الشعر و المسرح .

— جوائز من هيئة الكتاب ( مسابقة تيمور للإبداع المسرحي للشباب )

— مركز أول شعر عامية من جريدة الجمهورية .

— مركز أول شعر عامية من جريدة أخبار الأدب .

— مركز أول شعر عامية من وزارة الشباب و الرياضة .

— تكريمات من مؤسسات ثقافية أهلية مختلفة .

— جوائز مختلفة في الشعر و المسرح على مستوي إقليم شرق الدلتا و فرع الدقهلية الثقافي .

بيانات أخرى ، عنوان السكن :

منشأة السلام ، مركز المنصورة ، دقهلية

يشبه لمين ضي القمر لما انطفي

شعر: محمد عبد القوي حسن
مهداة الي روح الشاعر فتحي البريشي
=-=-=-=-=-=-=-=

وجع السنين
اللي معشش ف الجسد
يشبه لمين جرحي
روح تنشطر
عضمي المسافر للوهن
يشبة لغربة روح صبورة
او لزهرة الصبار
علي طول المدار سكن
دمي المفرفط ع السكك
لمي ياامي بين حنينك
ياسمين بيسقط م الشجر
لمي ياامي ف احضانك
تراب طهور زكي
من ريحة الاوليا
تارك حمول النخل
في وقت الحصاد
يجني الممات
ولا بيرميش علي قلبي السلام
كل الشجر نشفان ياامي
كل النخيل حزنان ف دمي
يطرح سكات دم السؤال
ويغيب عن العين الوداد
ولا عاد طراوة في الحياة
صحرا وعفن
ولا عاد لصوت المكن
غير المحن
ولا عاد لضحكة الصحاب
فرش وسكن
اللمة بتلم العزاز قوي قوي
وفجأة بيهم تنطرح
اخر مدي
اخر صواب
اخر كلام يتقال ماحدش يعرفوا
اخر صور
لحظة غياب الضي
عن عين المدي
لحظة غروب الضحكة
لاحضان الردي
وتضيع سدي الاحلام
علي قضبان وجع
تاخد شنطها الفرحة
في اعمق بير تقع
كل اللي بيسافر ياامي
مش هو اللي اندبح
كل اللي بيسافر ياامي
فرس في اعماق اللاشيء رمح
واحنا اللي طول العمر
بعد السفر بنندبح
وتحز فينا الذكريات
وتحز فينا الصور
لو كانوا ياخدونا معاهم للقبر
اه م القبر ياامايا وحيطان القبر
صمت القبور ياامايا
مدوبني ف قهر
مشاوير بنقطعها نصبر قلبنا
علي اللي اخذوا معاهم فعلا عمرنا
ونعيش ياامي الذكري تقطع في الحشي
كل اللي سافر ساب وراه
اكوام تلال الحزن وسنين من آلم
كل اللي سافر فجاة
بعد كل اللي اتعمل
اصبح عدم
بعد اللي كتبوا القلم
وللاحلام رسم
اصبح مالوش لازمة نحقق حلمنا
كل اللي كنا عاوزين نقولهم
عن حلمنا سابنا ورحل
طب ايه لزوم الحلم من بعد العدم
ولمين يكون العلم لو بحر اتردم
ولمين يكون الرجوع
وقت الفرح والدموع
ياسفينة المنتهي
ايمتا يكون الشروع
ماتغربيش يادنيتي
السكة عن عيني
ولا تحلميش يافرحتي
انك تراوديني
يشبة لمين صوت الانين
ف حنين الغربة جوايا
ياسكة الراحلين
ايمتا تكون النهاية
احضن تراب كان يوم
من الايام واقف هنا معايا
او من هناك خلف الطريق
عايشني ف حكايا
يشبه لمين المي
يشبه لمين وجعي
مدبوح مع الايام
لما انطفي قمري