مبدعو مصر
البت عجباني
ـــ
نبيل مصيلحي
ــ
وانا مالي وانا مالي
شغلاني وانا مالي
سرقتني من نفسي
وشقلبت حالي
وانا مالي وانا مالي
البنت سنيوره
الأصل والصوره
الشمس في جبينها
دافيه وبنوره
وانا مالي وانا مالي
دي خدودها آه ياني
وجمالها رباني
سحر العيون خدني
في الحب ورماني
وانا مالي وانا مالي
يا رمشها الليلي
هدت قوام حيلي
البنت جرحتني
بسنها اللولي
وانا مالي وانا مالي
صبري خلص منى
والتقل جنني
مش قادر استحمل
إمتى تيجي ف حضني
وانا مالي وانا مالي
ـــــــ
صبري خلص منىانات .. إلى الصديق محمد عبد القوي اللي فجر هذا اللون
البت عجباني
