مبدعو مصر
طظ … طظ
في اللي كانوا
واللى هيكونوا كمان
في الحبايب
والقرايب والصحاب …
اللي باعوا
واللي خانوا
واللى عايشنها جنان
طظ فيكم
وفي عيونكم
يا اللي كنتم
من حياتي قريبين
يا اللي بعتم
عشرة غالية
عشرة كانت من سنين
والنهاردة
طظ فيكم
طظ في الوهم اللعين
حلُّو عنّى
وأبعدوني
عن حكاوي الملعونين
طظ فيكم
وفي ضميركم
اللي عمره
ما كان أمين
كنت أداديكم .. ولكن
الخيانة طبع فيكم
طبع كل الغشاشين
طظ طظ ..
وألف طظ
للّى كانوا معرضين
طظ في الفيس اللي جمع
شمل كل المسطولين
واللى خلى كل تافهه
لما يحضر ندوتين
يبقى شاعر
يبقى كاتب
يبقى شيخ الدجالين
طظ فيكم
يا اللي كنتم
في وداني موسوسين
النهاردة هعيش لنفسي
وأنسى كل الأفقين
طظ فيكم
طظ فيكم
طظ في الماضي الحزين
مايا خالد