مبدعو مصر
قصيدة بالعامية المصرية | فاكرة زمان| شعر: محمود حسين
فاكرة زمان
لما كنت بخبى الدنيا فى عنيكى
وكنت في قلبى اخبيكى
واخبى قلبى في ايديكى
وكنت احلف على قلمى
ما يكتب شعر غير ليكى
وكنت أحلف على شعرى يغنيكى
وأن الغنوة تشجيكى
وادور في دواليب الزمن
لحد ما الاقى
فرحة عيد
فى ايديها فجر وليد
مغزولة بكف شهيد
واخلط نسيم العصارى
على ريحة الغيطان
على بسمة منك
على زهرة الرمان
واغسل بنصهم وش البنات
واسيب بقيتهم امانة
مع الصبيان
وافضل اشرب من خمورك
مفوقش غير وأنا سكران
شعر: محمود حسين
نادي الادب بمغاغة _ المنيا
قد يهمك أيضا