مبدعو مصر
أنا عندي نصيحه وبتؤكد
من شب على الشيئ يتعود
ف مكنش ف باله إنه يحَوّد
والخوف يرميه
ناحية وجعه
ف عنيه وقعو
على جوز عصافير
راحو ورجعوا
مهو كان بيغِيِر
بس مخبي
من كتر ماشال
كان متعبي
ف اتصنف سلبي ومتراجع
طب ينفع احزانه تدافع؟
وتشيل الهم؟
واحد ع الفيس
فاتح جامع
بيلم ذنوبه اللي ما تتلم
قال بص ياعم على شمالك
من شب على الأحزان يتغم
أنا عندي نصيحه هقولهالك
خد بالك
هتلاقي قبالك
حواديت أحزانها ما تتشالشي
تاخد بنصيحتي متقبلشي
لو عايز تمشي الباب مفتوح
فيه كوم شولات وريحتها تفوح
من جنب الحيط
لعتاب عَفّن
لو عايز رأيي ف يستحسن
تقفل على سِرّك وتدكٌِن
كام حلم وكام ضحكه بشوكها
لو نشفت دمعه ف تفركها
لو عدت نظره ف تشبكها
ف قاموس الحب المتسجل
ف ورق بفره
لو كنت مُصِر تاخد عبره
خدلك نفسين
هتشوف إن العصافير ضدك
عامله مؤامره
قد يهمك أيضا