مبدعو مصر
…. وبعشق عينك السمرة …..
بحب ملامحك الحلوه
وبعشق عينك السمرة
وبحلم لما اكون وحدى
بإنك ليلى والقمره
وأتذكر زمان قلبي
بينبض لما اشوف صورتك
وكنتى لروحى كالثمره
صحيح إنى خوفت أأقول
تتوهى بعيد
وقلبي يبقى كالجمره
وبعد سنين رجعتيلى
بحب ملامحك الحلوه
وبعشق عينك السمرة
كأن العمر ماعداش
كأنى مطلى بالحمره
ولسه العطر يبهجنى
بشمك لو بميت شجره
ولسه قلبي مشتاقلك
وبيرفرف من الطله
ولونايم
بشم نسيمك الفواح
واحسك راحه أو هله
بحبك
وحبك بالحشى مزروع
ودوت أصعب الموضوع
وخايف تكسرى الجره
وتخفى طلة القمره
وأرجع تانى واحكيلك
بحب ملامحك الحلوه
وبعشق عينك السمرة
ياريت يوصلك المعنى
بدون مالسانى ينطقها
وفكرك يعرف المعنى
ويفهم معنى منطقها
حقيقى الحب مش بالكيف
ولا بالقوه أو بالسيف
لكن لو صابك المكتوب
بتبقى بالحياة حره
ومهما تعمل الستات
فاعمر مايبقى فيه ضره
لأنك نبضى لو أحيا
وكل العشق راح يحيا
وأما البسمه بشفايفك
تساوى العمر بالمره
وابص بوشك الباهى
وأقول
بحب ملامحك الحلوه
وبعشق عينك السمرة
……….. احمدعامر ………….
قد يهمك أيضا