راس المرا لو قست بتلين بالبلطه.. بتجيب لجوزها الشلل بعد الشلل جلطه

ويتجدد نهر الإبداع دوما في مجلة “مبدعو مصر” فتقدم كل يوم شاعر من جنوب مصر “الصعيد” تلك الأرض الطيبة التي انجبت اعظم الشعراء في مصر، واليوم نقدم لكم شاعرا من شعراء فن “الفنون القولية” ونقدم لكم الشاعر ” حمادة الفارسي ” من خلال برنامج الشاعر الكبير “حمدي حسين” “كل يوم شاعر” مع أطيب الأمنيات الحلوة بدوام الإبداع والتألق والنجاح لشعراء العامية المصرية.

عقل الحريم لو فلت يرجع بقولة هاش
كتف وهين وافترى واضرب ولا تنهاش
دولا جنس ملعون يدلع ف ساعة الكرب
بيخافو م الضرب واللومه مايعرفوهاش
¤¤¤¤¤¤
راس المرا لو قست بتلين بالبلطه
بتجيب لجوزها الشلل بعد الشلل جلطه
اللى راجلها برضاعمره ماعاب او قسى
خير السنين يتنسى لو يوم غلط غلطه
¤¤¤¤¤¤
مش رحتروق المرا حتى ان وقع عجلك
ولاراح يفيد الدهب لملم خلاص حجلك
اسمع نصيحة اخو درس الفنون وقرا
كيد المرا بالمرا ترجع تبوس رجلك
¤¤¤¤¤¤
ياللّى عـايشْهـا بْهبـل وامصـدّق الأعْزار
مُـش جـد وِد المـرا كلّـو دا شُغل هْزار
ياك فاكر ان مُت رحيُوقف معاها النّبض
دا أوّل شهر قبْض من بعدَك على الجزّار
¤¤¤¤¤
صياد فى بحر النسا واتضيع السنار
قلب المرا لوقسى ناشف وصيده مرار
ياللى عشقت الهوا عدا زمان الشبك
عشان تصيد السمك حط الحديد النار
¤¤¤¤¤
سيف الحريم فى الفتن حاند قوى بتار
وان شنو ريح الغضب استرها يا ستار
خايف عليك يا جدع تتشل او تتلبس
والحرمه لابتتحبس ولاراح تسد ف تار
¤¤¤¤¤
ناشف مطب المرا ما لقيلو اى حروف
غير الهوان والجفا بدلتهم معروف
منصوب ف سكة خطر اوع عليه تفترى
لو لان معاك وطرى حيجبلك الغضروف
¤¤¤¤¤
احكم لجام المرا تعمر مدن وانجوع
ولاتشتك م عطش ولاتشتكى من جوع
حمرلها العين توقف تترخى حتفوت
ولحد ما اتموت لو فاتت ماليها رجوع
¤¤¤¤¤
توهنا ف شطوط النسا ضاعت مراسينا
جبر وجحود وافترا طب كنتى حسينا
لو شيلت صخر الجبل ولا حاجه عداها
وفاكره برضاها حتبقى حررت سينا
¤¤¤¤¤
لو الحياه هم هى من الهموم سته
شغلو ابوها الاذى واتدوب الجته
تعشق حياة النكد واتموت فى تقل الدم
تحكيلها عالهم تحكيلك عن الفته
¤¤¤¤¤
القطر فيه راس تبقى ليه راس مالك
رحتخرب البيت دى اللى بجهل رسمالك
وحيعمل ايه الابو مهما لطم وندب
مدام الكمال والادب مش هما ريسمالك
¤¤¤¤¤
نسيت حقوق الهوى ومع الحياه تاهت
نامت وقامت على اللى فيه واتلاهت
عاشق جمال بسمتك ولاعمر يوم سبك
لو قال بحبك حيبقى شكلها باهت
¤¤¤¤¤
كيد الحريم والاذى سم الحشا والدم
زود معاك البلى ساعة ما جاك وتم
تقعد فى ريح امها تبقى كما الارجوز
تقعد مع الجوز يركبها المرض والهم
¤¤¤¤¤
يابت طب ليه عشقتى العيب وحليلك
وامعاكى فى البيت رب البيت وحليلك
كتبتى بالفجر على ورق الشرف خطين
ونزلتى ف الطين ما حسبتيش وحليلك
¤¤¤¤¤
مرت الاصيل افترت بالبطل بتساهم
الخشم ينتر بلى ويكفى ويلاههم
طمعت فى عره معاه الورد راح يدبل
وفاكره ل اهبل راح يملى مكان فاهم
¤¤¤¤¤
مالك يا شيخة العرب بتعيدى فى الكره
وكلام يجيب النكد يتعاد ميتين مره
منين ياجى الصفا وف وشو لاويه البوز
واتلومى عالجوز لو فكر يجيب ضره
¤¤¤¤¤
امنت يوم للزمن قعدنى عالقرمه
شوه سطور فى المعن بتلون الفرمه
شوف الجدود والحكم قبل الشتات والهكر
قالو انى غلبك دكر سلط عليه حرمه
¤¤¤¤¤
كوكب ف عصمة مرا سمع وشاع صيتو
داست تاريخه اتمسح مع انى وصيتو
والحرمه نايب شقا تصبر وتوصل حبى
لأى راجل صبى تلعب فى شخصيتو.