عشنا وشفنا الأصيل من الهفى واتساب ولاجل مال الهفى صبح الأصيل واتساب.. للشاعر: حمادة النخيلي

عامل لى فاهم ونازل فى الورى طرطير
ان كنت عالم تقى قوم فى السما طرطير
سبع الرجال يوم ظهر قام الهفى طرطير
من جبر الزمن ياخال حالف انا منطق
اهل العلوم ياناس راحوا عملوا لنا منطق
من فعل الليئم فينا قربنا خلاص منطق
طب أى منطق يقول تبقى الرجال طَرَطير

عيش الأحبةطَحِينهُ و غلِّتُه مِنْبُر
معجون بماء المحبة وآكله مَنْبَر
خضرا أراضيه ولا فيها شى منبر
عمَّال بتزرع أذى بكره هيبقا لك
ماتقولى إبليس ياخى إيه يبقا لك
فيش حد نصحك يوم ولا قالك
واللى لاك الحرام كيف راح يعتلى منبر

أهل الصفا والمدد أهل المحبة هام
وكتر الصلاة النبى منك تداوى هام
واركب سفين النجا قوى العزيمة هام
كتر العلل فى الحشا خلا القليب من داق
حالف يمين بالله على أى باب من داق
عرض الأصيل فولاذ عمروا فيوم من داق
يا سعد مين داق طعم الحلا وراح هام

عشنا وشفنا الأصيل من الهفى واتساب
ولاجل مال الهفى صبح الأصيل واتساب
والكل ساعة المِحَن ليه يا زمن واتساب
إياكش ناسى الهفى أيام زمان فيسبوك
فى أرض جد الأصيل قاعد أثر فيسبوك
عشنا وشفنا يا زمن عملوا لنا فيسبوك
عليه يسبُّوك على ماسنجر مع واتساب