موت الوجع.. قصيدة بالعامية المصرية للشاعرة: نجلاء عزت

أنا عايزة امـ وت
ما باموتش ليه !!
كان ليا قلب وكتفوه
ورموا الحجارة في سكته
وغموا عينيه
متغربة في وطن الحبيب
هو الحبيب كان اسمه ايه؟!
أنا عايزة اموت
ما باموتش ليه
جربت اتوه وسط الزحام
جربت انام
جربت اسكت
لما يبلعني الكلام
والفكر تتكتف ايديه
أنا عايزة امـ وت
ما باموتش ليه
محتاجة راحة م الزمان
محتاجة اهرب م المكان
محتاجة ارجع في الهبة
واخذ مشاعري الطيبة
وأوصّل الروح للأمان
في وجود
أنا بس اللي فيه
أنا عايزة امـ وت
ما باموتش ليه
ده سؤال وجواه الجواب
القلب عيل شعره شاب
للحزن سددت الحساب
والفرح مين حاسب عليه
أنا عايزة امـ وت
ما باموتش ليه
؟؟؟؟؟؟؟

اقرأ المزيد:

كل يوم شاعر .. سكة سفر.. شعر: عيد حميدة

طار يا ( طار ): شعر.. عاشور الزعيم _ الوادي الجديد_ الداخلة

أنا بين آهات البشر جوه الحشا جرحى.. شعر بالعامية للشاعر: عبيد أبو الري