
مختارات من إبداع الشاعر .. تامر زيدان
متاح الآن
شوية ناس ماهيش هي
وكدب كتير وسوء نية
واشباح للبشر تشبه
مافيش بينها قلوب حية
متاح الآن
بواقي من طلوع الروح
وكام عصفور بيغوا النوح
وجسم نحيل بيتألم
يا دوب عايش وكله جروح
متاح الآن
كلام ع السطر مش راضي
وحلم لحتفه اهو ماضي
ومجموعة من الأقلام
ومعظم حبرها فاضي
………
اوقات الدنيا بتضحك لينا
عشان تهادينا بلحظة نعيش
وساعات تقلبها دراما
ونحزن ياما ..وكل دموعنا مبتقضيش
وحاجات بتعدي علينا
وكام من فرصة تروح متجيش
وأهو ناس بتمص دمانا
عمانا الخوف من ناس خفافيش
وأحنا علي الحال ده معاها
رضينا وقلنا ناكلها بملح وعيش
احنا اللي يقولوا علينا الناس ف كلامهم
دول حبة ألاضيش
ملاطيش
ولا فارق مين كان فاهم فيهم
او مين فيهم مرضيش
ومصيرها ف يوم هتشوف النور
وهتفتح لينا الباب و الشيش
………
كنت فاكر لما هكبر هبقي حاجة ملهمة
وانتبهت لقتني بكبر والحقايق مؤلمة
والسؤال دلوقتي هو…. ليه جراحي معلمة؟
والخطاوي اللي ف طريقي مشية سكة معتمة
………
اقرأ المزيد:
كل يوم شاعر .. سكة سفر.. شعر: عيد حميدة
طار يا ( طار ): شعر.. عاشور الزعيم _ الوادي الجديد_ الداخلة
أنا بين آهات البشر جوه الحشا جرحى.. شعر بالعامية للشاعر: عبيد أبو الري
