ضَهْرِ العْيَاط.. قصيدة بالعامية المصرية للشاعر: محمد العرابي

إحنا جينا الدنيا من َضهّرِ العياط
فـ اسمحو لدموعي تنّزِف تبتدي
إنّ ضحكت _الضحكه _ هتكون إغتصاب
تفتكرو هل ممكن عليها أعْتِدْي ؟
البراءه بين عينيها كات _سعاده_
والسعاده طريقها موش بمشيه نهائي
حظّها فـ الفرحه جامعه بـإمتياز
حظي فاز
بقضاء حياتُه فـ ابتدائي
كُلّ الاعادي أصلُهم _أصلا_ حبايب
والحبايب عمري مـ اَمشيلّهُم حروب
شَمْسِي دايما من عينيهم نورها طالع
ليه سابوها أدمنت توهة الغروب
الهروب كان حَلّ يمكن بيه أعيش
والسكن _بين سجن تحطيم الأماني_
حتي جدران الأماكن عَيّطِتّلِي
لمّا زَنقِت روحها علي رُوحي فـ مكاني
المعاني إتّحوّلت صبحت ..تجارب ..
والتجارب صَمّلت 90 سنه
مكتوب يدوب فـ بطاقتي جاب 30 سنه
فـ ازاي طفولتي إتّرَمِلِتْ حكمه وأنين ؟
وإزاي برغم الموت هَواهُم ما إنّدَفَن
وهوايا نازف جرح متّعوّر ..حَنِين ..
واهو فين وفين بَلّاقيني حُبْ _إشتاق لُهم_
واَنسي إنّهُم ..وقت الوجع بيعذبُوني
عَصَرُونِي بين عِنّدِ الأوامر ..هجّر شين ..
وبملحِ بُعْدِ وجفا ..حَلّوُ.. بيشربُوني
فَبَكيت .. دموعي إتّحولت محيطات ..
وعانيت عشان السدِ كان إيدي
كان نفسي إيد غير إيدي تنجّدْنِي
يا .. نيراني .. لسه مُصَممه تقِيِدي ؟
هتعيدي ..عادي ..ماراح كتير عِيِدي
عارف طريقي بيجي جنبي يبات
سلّمت هَشّ بإنِي صلب ..وحيد
والحزن جاي معانا مـ البدايات
قد يهمك أيضا:

اترك تعليقاً إلغاء الرد